මහා පරිමාණ Antigen වංචාවක්?...
- Nov 5, 2020
- 1 min read
Updated: Feb 9
COVID-19 රෝගීන් හඳුනාගැනීම සඳහා භාවිතා කිරීමට නියමිත ප්‍රතිදේහජනක පරීක්ෂණ කට්ටල (Antigen Test Kits) වෛද්‍ය උපාංග ගණයට අයත් වේ. පුද්ගලික අංශය හෝ රාජ්‍ය අංශය සම්බන්ධ වුවද නිෂ්පාදිතය ආනයනය කිරීමට ජාතික ඖෂධ නියාමන අධිකාරියේ අනුමැතිය අවශ්‍ය වේ.
පසු ගිය ඔක්තෝබර් 22 වැනිදා ජාතික ඖෂධ නියාමන අධිකාරිය විසින් එක්තරා පුද්ගලික සමාගමකට Antigen ආනයනයට වසරකට වලංගු බලපත්‍රයක් ලබා දී ඇත.
රටේ පවතින නීතිමය රාමුව මත ජාතික ඖෂධ නියාමන අධිකාරිය වෛද්‍ය උපකරණ ආනයනය කිරීම සම්බන්ධයෙන් පැහැදිලි මාර්ගෝපදේශ නිකුත් කර ඇත.
මෙම මාර්ගෝපදේශවලට අනුව, බලපත්‍රය ලබා ගැනීමට අවම වශයෙන් වසර දෙකක කාලයක් ගතවනු ඇත.
වෛද්‍ය උපකරණ ආනයනය කිරීම සඳහා NMRA හි මාර්ගෝපදේශ මත පදනම්ව, නිෂ්පාදනයේ ලියාපදිංචිය සඳහා බලපත්‍රය භාවිතා කරමින් ප්‍රථමයෙන් සාම්පල ආනයනය කළ යුතුය.
එවිට සාම්පල ඇගයීමකට ලක් කළ යුතුය.
මූලික ඇගයීමෙන් පසුව, කට්ටල වෙනත් ඇගයීමකට ලක් කිරීමට පෙර, පුළුල් ලෙස අධ්‍යයනය කරන ලද බාහිර ඇගයීම් කමිටුවකට යොමු කළ යුතුය.
ක්‍රියාවලිය සාර්ථකව නිම කිරීමෙන් පසු නිෂ්පාදිතය ආනයනය කිරීම සඳහා අවසාන අනුමැතිය ලබා දෙනු ඇත.
සෞඛ්‍ය අමාත්‍යාංශය විසින් මිලදී ගැනීම සඳහා ලංසු කැඳවා තිබියදී පෞද්ගලික සමාගමක් විසින් ප්‍රතිදේහජනක පරීක්ෂණ කට්ටල ලක්ෂ දෙකක් ආනයනය කර තිබීම සැක සහිතය.
එම සමාගම රජයට හිතවත් සමාගමක් වීමෙන්ම පෙනී යන්නෙ මෙතැන කුමක් හෝ වංචාවක් සිදු වන බවයි. මෙය රජය විසින් හිතා මතාම කරනු ලබන මගඩියක් බව මාගේ මතයයි. ලෝකයම ඉතා අවාසනාවන්ත ඉරණමකටම ගොදුරු වී සිටින මෙවන් මොහොතක් ගජ මිතුරන්ට මුදල් ඉල්ලමක් කර දී ඇත්තේ රජය විසින්ම බව මම තරයේ විශ්වාස කරමි.
Comments